|
||
|
||
|
||
|
||
|
||
|
||
|
||
|
||
|
||
|
||
|
||
| S ganz Schwoobeland stoot yy fir s Klima Sy lösche s Liecht, mir finde s prima, zinde Kerzli aa e jeede Schwoob macht mit. Obwool är nit derfir bekannt isch, wird dr Ditsch ufzmool romantisch, hoggt im dunggle, jo die Hälschte sinn das nit. Bi uns do macht me das scho lang, mir sinn voruss, es isch kai Saich. Nur haissts bi uns nit Klimaschutz, in Basel sait me Morgestraich. zum Video (.wmv) |
 |
|
| Mir hänn uf em Canapé, em Christoph B. sy Abwaal gsee. Und hänn gjuublet und hänn gsunge, ungfäär so: So ne Daag, so wunderscheen wie hitte, so ne Daag, dä derfti nie vergoo. Mit em Christoph Blocher syyner Abwaal, will uns die ganzi SVP verloo. Dr Casper Baader het im Aug e Dräänli, und dr Mörgeli toobt scho wie e Goof. Dr Ueli Muurer brunzt vor Schregg in d Hoose, unsere Christoph wird zem schwarze Schoof. D Frau Widmer Schlumpf, die will no driiber schloofe, mit schwääre Augedeggel sait sy joo. Unser Herr und König Christoph Blocher, het sich duur e Schlumpf ersetze loo. Dr Christoph schtampft und duet de Schwizer droohe, ändlig darf är saage was är dänggt, doch wenn me ihm emol genauer zueloost, mergsch zem dängge, hets em nimme glängt. So ne Daag, so wunderscheen wie hitte, so ne Daag, dä derfti nie vergoo. Und das ganz Spektakel kurz vor Wiehnacht, e scheeners Gschängg, hänn mir no nie bekoo. zum Video (.wmv) |
 |
 |
 |
 |
 |
 |
 |
 |
 |
 |
 |
