|
||
|
||
|
||
|
||
|
||
|
||
|
||
|
||
|
||
|
||
|
||
| Es ziigled s Vreneli vom Land, in d Stadt und het ai Duurenand. In dr Schuel het sy jetzt Durchschnittsnote 3. Me will drumm national probiere, ändlig d Schuel z harmonisiere, do dergeege wehrt sich d Schwizer Volks Partei. E solidi, gueti Bildig syg nit netig, miess me seh, denn wär als jung scho sehr gebildet isch, dä wäält nie SVP. zum Video (.wmv) |
 |
|
| Dr bruuni Mutz dä goot gli yy, es kunnt e Imbiss-buude dry. Es git dr Storche nimm und d Börse die isch zue. S Rääbhuus hets ganz bsunders schwäär, dr Rhyfälderhof isch immer läär. Und in dr Glogge isch nit nur am Sunntig Rueh. D Basler Baize mache dicht, wäg däm begryffe mir das nit, fir was e Rauchverbot in Basel, wenn s bald eh kai Baiz me git. zum Video (.wmv) |
 |
|
| Au mir dien brav no d Billag zaale und luege Färnseh unter Quale. Per Zuefall lande mir uf "Müller Giacobbo". Dert parodiert dä Winterthurer, in Präzision dr Ueli Muurer, dyschend ächt stoot är im Sennehemmli do. Är stellt sich dumm, macht s bleede Gsicht und schwätzt als wär är Blochers Knächt, und wo s denn fertig isch do mergge mir, voll Schregg, s isch doch dr Ächt! zum Video (.wmv) |
 |
|
| Es kemme vom Schwoobeland in Schaare, d Schwoobe Gaarwyys aane gfaare. No vor de Viere fillt sich d Stadt am Morge frieh. Mit iire 68-er Schlitte, kemme d Waggis aanegritte. Es kunnt zue Stau, s git ai Radau, do hänn mir Mieh. D Stimmig isch beraits am koche, d Spannig stygt, prekär isch d Laag. Nai, s isch nit Morgestraich, s isch z Basel wiider Speerguet-Abfuerdaag. zum Video (.wmv) |
 |
|
| Dr Ueli Muurer, das isch e hmhmhm, är isch nur zwaiti Waal als Bundesdesroot. Sobald är s Muul ufmacht kunnt numme hmhmhm. Dr Christoph laitet iin vo frieh bis schboot. Dr Pabscht in Rom isch laider au e hmhmhm, Är handled gaischtlig kopfloos opportun. Är holt so Bischöf zrugg, und das sinn hmhmhm, Sy wysses Gwändli färbt sich dunggelbruun. Dr Marcel Ospel isch und blybt e hmhmhm, är schwimmt im Gäld, doch das verliert sy Raiz Wo ane mit de Stitz frogt sich das hmhmhm, I ha Lokalverbot in jeder Baiz. Dr Roland Nef gheert au zue dääne hmhmhm, wo syyni Ex aabietet virtuell. Dr Schmid dä fluecht: "Hätt ich e bessers Händli gha, wär ich no Bundesroot - Eventuell." Dr Bush isch wägg, das riise groosse hmhmhm. E riise Schlachtfäld het är hinderloo. Mir wisste was mir miechte mit däm hmhmhm, als letschte Häftling in Guantanamo. Was mache mir mit dääne vyyle hmhmhm? Es git kai Leesig, oder ebbe doch? Mir nämme all die myyse, fyyse hmhmhm, uf Gänf und wärfe die ins schwarze Loch. zum Video (.wmv) |
 |
 |
 |
 |
 |
 |
 |
 |
 |
 |
 |
