Schnitzelbängg
Die Vier vo den Aabrennte sin im 2004 s erscht mol in Flamme ufgange. Si singe ihri Värs mit ere Gitarre als Begleitig im 3/4 Taggt zum Mani Matter sym "Zündhölzli". Die Aabrennte hän au scho an dr Stubete gsunge.
Die Zwai Antiquierte sin an dr Fasnacht 1985 serscht Mool uff d Pischte und hän no kai ainzig Mool pausiert. Ihres Merggmool isch, dass sich ihry Helge allewyl an dr Fasnachtsblaggedde orientiere. Im 2013 sin sy als oberwilde freie Bangg zum Comité 1914 gstosse.
s Bangg-Ghaimnis
S Bangg-Ghaimnis isch an dr Fasnacht 2006 zum erschte Mool bim Comité 1914 drby. S Quartett het au scho am Mimösli für Stimmig gsorgt und überzügt nid z letscht mit sonorem Gsang wo dr ganzi Ruum füllt.
d Goldis
Die goldyge Goldis sin als neiye Bangg syt 2017 an dr lange Lyyne vom C-1914.
Insider wisse, dass dä Trupp syny Schpoore in dr Bänggler-Szeene abverdient hän!
Braavy Värs derfsch nid erwarte! Drfir aber e baar glatty Gselle mit super Po-Änte.
d Gwäägi
D Gwäägi sin an dr Fasnacht 2006 zum erste Mool bim Comité 1914 drby. S Duo isch mit syyne fuchsige Pointe und sym harmonische Vortrag nid nur fir Charivari-Bsuecher bereits e Begriff.
Mac Väärs
S Duo isch an dr Fasnacht 2019 als tatkräftigi Unterstützig zum C1914 gstosse.
d Muulwiirf
S Trio het als Duo Premiere an dr Fasnacht 2003 gfiirt. S Inschtrumänt isch e Gitarre und d Melodie isch die vom Schacher Seppli im 3/4-Taggd. D Muulwiirf hän au scho am Charivari und em Mimösli gsunge.
d Ständerlampe
D Ständerlampe isch syt dr Fasnacht 1998 unterwägs. D Värs wärde im Sprächgsang vordreit und mit Gitarre begleitet. S Trio mit em Lampe-Schirm uf dr Larve isch scho mängs Johr am Mimösli ufträtte.
Die "Jurischte" geehn schonygsloos mit Allem und Jeedem in s Gricht! Syt 2012 sin sy bym C1914 drbyy. 3-schtimmyg singe sy iihry Urtail in de Basler Baize und Käller! Syt 2011 gheere sy au zum Salz, wo s Lieschtlemer Rahmdääfeli ussmacht.
d Schuggerei
Zwar ney in dr Szene, aber heerlig träffend, wenn sy ihry Buesse verdaile!
d Gryysel
Näbscht emene ächte Deo-loog im C-1914, die Preedygergruppe, wo dr Obrykait wirgglig d Leyte liist!
Ferdi Afflerbach als Tambour 1928
