|
||
|
||
|
||
|
||
|
||
|
||
|
||
|
||
|
||
|
||
|
||
| Eso het Basel kain me kennt, im 2008 no am Änd. D Lyt sinn vom See in Schwarzwald grennt mit ere Notration in de Händ. Lut em Expärtebricht hätt jo s höggscht Beebe 5 solle sy. Denn isch no dä Tsunami ko mit em Beebe 10 hindedry. Und iinestäche, umeschloo, en Expärtebricht bruuchts do nimm. Und duurezieh und aabeloh, s isch alles nid e so schlimm. Mir hän e knall-grien-rots Gummiboot, wo näbem Boordurm stooht, fir Euch parat. Dä het e Knall, dä Regierigsroot, wenns do ums Boore goht, gits e Salat. Und z Basel, das ischs bescht, gits jetzt e Seenachtsfescht, dr gstohle Böög hängt schyns im Räche z Kemps. Statt Döner mit vyyl scharf, kriegsch z Basel nach Bedarf, jetzt gwässereti Läggerli us Ems. Die hän e Knall, d Boorer im Morascht, dr ainti hoggt im Knascht, die ander fascht. Si isch zer Zyt no Regierigsroot, wo ihre d Abwahl droht, falls si nid goht. Und Polizei gseht rot bi falsch parkierte Boot und d Radar wärde jetzt uf Boje gstellt. Bald fahrt do, es wird glatt, d Alinghi quer durch d Stadt, am Stiir dr Ospel, wo si Bonus zellt. S wär Rueh im Stall, bim Regierigsroot, wenn me bim Gummiboot dät d Luft abloh. Und s gäbt e Knall, wenn me s Gummiboot samt em Regierigsroot dät aabeloh. zum Video (.wmv) |
 |
 |
 |
 |
 |
 |
 |
 |
 |
 |
 |
